وعد الله ولا يخلف الله وعده

--------------------------------------------------------------------------------

السلام عليكم :

الموضوع بكل بساطه انى سيده صغيره جدا فى السن وتزوجت وانا صغيره ومن الله عليا بزوج صالح فأحببته بجنون حتى أصبح هو كل حياتى . الناس بقوا بيضربوا بينا المثل فى الحب لانى بحبه حب لم يعرفه انسان ولله الحمد . بس كنت مش ملتزمه شويتين كده ولا صلاه ولا لبس شرعى وغنى وسهر للفجر مع صديقاتى فى السينيمات ولبس غاااااالى جدا كنت بدفع فيه مئاااااااات وفى الاخر يترمي على اهون سبب ولا اى حاجه ترضى ربنا فكنت دايما بحلم احلام مزعجه انى افقد زوجى وبصحي من النوم وانا حزينه وافضل ابكى طول اليوم والموضوع ده كاد ان يؤجي بي للجنون !! كان دايما الشيطان بقولى انى حفقده ومخلى حياتى كلها ظلام فمره قعدت بيني وبين نفسي وقلت ما يمكن دى رساله من ربنا انى ابتدى اتقربله علشان يحققلى كل اللى بتمناه ويدينى الإستقرار النفسي والمعنوي . وفعلا ابتديت وتقربت من الله جدا والحمد لله واخدتها خطوه خطوه لحد ما لبست النقاب وحياتي اتغيرت تماما . حتى الكل بقى مستغرب منى ازاى دى اللى حياتها كلها كانت غنى ولبس وشياكه وسهر مره واحده انتقبت ؟؟ الكل كان مستغربني جدا وقالوا كلها كام يوم وتقلعه لكنى محققتش احلامهم والحمد لله . واستمريت على وعدى لربنا وبقيت ادعيه واقوله يارب انا مليش غير طلبات بسيطه اوى فى الدنيا انك ترضى عنى وتثبتنى وتخليلي زوجي ومتحرمنيش منه ابدا وتريحلى نفسيتي وتبعد عنى الشيطان ......
وبعدها باسبوع حلمت بحلم جميييييييييييييييييييييييييييييييل اوى فوق الوصف حلمت ان القيامه قامت وان الناس بتجري تلحق تروح لمكان مش عارفه ايه هو وانا بجري معاهم لحد ما فى الاخر وقفت امام ربنا مكنتش شايفاه طبعا بس لقيت ملك جميل اوى بيقولى انتى كنتى بتدعى ربنا كتير اوى وربنا بيبشرك انك انت وزوجك ستصبحان زوجان فى الجنة وهذا وعد الله ولا يخلف الله وعده .....
وصحيت من النوم وانا بردد وعد الله ولا يخلف الله وعده وبكيييييييييت كتير اوى من قلبي وبعدها حياتى كلها والله العظيم اتغيرت للاحسن والأحسن وانعم الله عليا بالخلف الصالح والحمد لله وكل فتره بنزيد انا وهو فى العبادات وكل شويه اقوله ( مش عايزين ننسي وعد ربنا لينا لالالالازم نحقق الوعد ده)

فكل فتاه متزوجه حديثا وبتحب زوجها حاولوا تعينوا بعض على الطاعات اوى علشان تبقوا مع بعض فى الجنة وساعتها هو ده حيبقى الحب الحقيقي
الموضوع رساله منقوله بس غاليه النصحيه اللى فيها