قصة الصحاب جميله جدا

فى يوم من الايام كان فى واحد غنى جدا جدا وبخيل جدا كان حارم ابنه من كل حاجه وابنه يقوله نفسى ف حاجه يقوله لا عايز اجيب حاجه يقوله لا
ما علينا مرت الايام والراجل ده مات وساب لابنه فلوس كتير اوى واراضى وعمارات والواد مصدق ان بوه مات وراح يعمل كل حاجه كان محروم منها يشوف اللى بيشربو ويشرب زيهم واللى بيلعبو قمار ويلعب معاهم لحد مفلوس ابوه كلها ضاعت وخسر كل حاجه وفيوم من الايام ماشى وهموم الدنيا كلها فيه وبيفتكر كلام ابوه لما كان بيقوله ياابنى انا سايبلك اللى يغنيك ويغنى اولادك من بعدك حافظ عليه وهو مسمعش كلام ابوه المهم قابل واحد قاله مالك شايل هم الدنيا ليه قاله مفيش قاله انا زى اخوك احكيلى يمكن اساعدك قعد وحكاله على كل حاجه قاله وباقى معاك كام قاله حوالى 30 او 40 الف جنيه قاله وانا معايا زيهم تعالى نحط فلوسى على فلوسك ونبداء بيهم وانشاء الله ربنا هيعوضنا والاتنين بقو شركه وفتحو محل خرده سنه ورا التانيه وربنا كرمهم وفتحها عليهم والاشيع بقت معدن قام جاى صحبه اللى قابله فى الشارع قاله ياصحبى احنا ربنا كرمنا وجه الوقت اللى كل واحد يعيش لوحده انا هاخد نصيبى وارجع على اسكندريه بلدى واللى يجور عليه الزمن يروح لصحبه ويقوله ياصحبى جار عليا الزمن صاحبنا بتاع مصر فضل تاخر خرده وبتاع اسكندريه خد نصيبه ورجع فتح معرض موبليه سنه ورا سنه بتاع مصر بقا اكبر تاجر خرده فمصر وبتاع اسكندريه بقا اكبر تاجر موبيليه فى اسكندريه
صحبتا بتاع مصر جار عليه الزمن تانى وراح لصحبه بتاع الاسكندريه وهو قاعد فى المعرض شاف صورة وحده عجبته اوى جاله صحبه بتاع اسكندريه قاله عجباك ياصحبى قاله اه قاله اقعد معايا 3 شهور واجوزهالك وفعلا قعد معاه 3 شهور وبتاع اسكندريه جوزهالو واداله نص مليون جنيه وقاله ارجع بلدك وابداء من جديد وبعديها بكام شهر الزمن جار على بتاع الاسكندريه والسوق وقع والدنيا لعبت بيه راح لصحبه بتاع مصر خبط على الباب طلعله الخدام قاله قول لسيدك صحبك بتاع اسكندريه بيقولك ياصحبى الزمن جار عليا دخل الخدام قال لسيده قام مديله 10 جنيه وقاله اديهالو قوله سيدى بيقولك مشفش وشك هنا تانى بتاع اسكندريه صعبت عليه نفسه وماشى مخنوق وحزن الدنيا كله فيه وهو ماشى بيعيط ودموعه ماليه عنيه خبط فكتف راجل كبير الراجل قاله مالك ياابنى شايل هم الدنيا ليه قاله مفيش قاله ياابنى انا زى ابوك احكيلى يمكن اقدر افيدك قام حكيله كل حاجه واتقابلنا وبداء مع بعض ولما جالى وقالى الزمن جار عليا اديته نص مليون جنيه وقولتله ابداء من جديد ولما انا جتله بعتلى 10 جنيه مع الخدام وقالى مشفش وشك هنا تانى الراجل قاله ياابنى انا عندى محل فبيتى تعالى نشغله ورزقى ورزقق على الله وبالفعل راح معاه وهو بينضف المحل لقى سلسله فضل يشد فيها لحد ملقى صندوق قتح الصندوق لقى فلوس كتير واى قام واخد الصندوق وراح للراجل ياحج ياحج قاله نعم ياابنى قاله انا لقيت الصندوق ده فى المحل وفيه فلوس رد عليه الراجل قالخ ياابنى المحل ده عندى من يجى 30 سنه وعمر مكان فيه ولا صناديق ولا غيره ده رزق ياابنى وجايلك خده واتكل على الله وابداء من جديد وفعلا خد الفلوس وبداء من جديد ورجع تانى وقف على رجليه وفيوم وهو قاعد فى المعرض جاتله وحده كبيره ومعاها بنتها زى القمر وكانو بيتفرجو على اوض النوم واختارت وحده منهم وقالتله ياابنى احنا عايزين دى قالها ياحجه دى محجوزه سبيلى فلوس عربون واعملك زيها قالتله ياابنى ده فرح بنتى كمان 10 ايام قالها انشاء الله كمان اسبوع تخدى الاوضه منى
وسبتله عربون ومشيت وجتله تانى يوم قالتله معلش ياابنى عايزين العربون عشان الفرح باظ قاله طيب ياحجه انا عايز اتجوز بنتك عشان بنتك عجبانى قالته هسالها ياابنى ولو وفقت مفيش مانع فعلا سالت البنت ورجعة قالتله البنت موفقه وعمل فرح وعزم الناس كلها وصحبه بتاع مصر ويم الفرح طلع على المسرح ومسك الميك وقال انا بمسى على كل الناس اللى جايه تشرفنى انهارده وبمسى على صحبى اللى لما قابلته فمصر وتيت تيت تيت حكى اللى حصل بينهم ولما الومن جار عليه وجالى وشاف صورة مراتى فى المعرض وعجبته قولتله اقعد معايا 3 شهور واجوزهالك وبعد ال 3 شهور جوزتهالو واديته نص مليون ومشيته ولما الزمن جار عليا ورحتله بعتلى 10 جنيه مع الخدام وقالى مشفش وشك تانى وبمسى واصبح على كل الناس اللى جت تشرفنى وبمسى على الدنيا كلها وقام نازل من على المسرح وقام طالع صحبه بتاع مصر لما حس انه اتهان وطلع ندل قدام الناس كلها ومسك الميك وقال انا بمسى واصبح على الدنيا كلها وبمسى على صحبى بتاع اسكندريه اللى ساعت ملقانى ضايع بعد مضيعت فلوس ابويا وقف جمبى وحكى كل حاجه وقال لما جالى وقالى الزمن جار عليا بعتله 10 جنيه عشان مراته متشفهوش مزلول وجاى يطلب منى وبعد ممشى بعتله الراجل الكبير خده وواد المحل وكنت سايبله مليون جنيه فى الصندوق وبعد موقف على رجله بعتله امى واختى عشان اختى تعجبه ويطلبها للجواز وفعلا طلبها وانا جاى دلوقتى بمسى على صحبى واخويا ونسيبى وبمسى على الدنيا كلها

يارب تعجبكم

ايه الناس الغريبه دى
هى قصة جميلة اوووووووووى بس غريبه
ازاى الراجل بتاع مصر يجوز مراته لواحد تانى مهما كان حاجة غريبه صح

يارب رجب يتجوز جهاد

بتاع اسكندريه هو اللى طلق مراته وجوزها لصحبه
دى بتسبتلك ان الصاحب الصح بيضحى باى حاجه عشان صحبه
بس الكلام ده اتحى دلوقتى
مبقاش فيه الكلام ده خلاص


ربنا يخليكى عقبالك

مش مهم بتاع اسكندريه ولا بتاع مصر

بس علشان اثبت لصاحبي انى ممكن اضحى علشانه اجوزه مراتى ده مستحيل
دى حاجة اصلا مش حلوة
لان مراته برده ليها حق عليه

دى قصه ياابوتريكه
مجرد قصه زى قصص الف ليله وليله

وبعدين مش يمكن مكنش طايق مراته ومصدق ان حد وافق عليها عشان يخلص منها ويرتاح

ههههههههههههههههههه
ماشي يا رجب
ويارب تتجوز جهاد

ربنا يخليكى
ويكرمك بعريس يكون زى منتى عايزه بس هتعزمينا

ربنا يخليكى ياابوتريكه وتكون العزومه دى قريب انشاء الله

بجد القصة عجبتنى جدا جزاك اللة كل خير

وجزاك اياه ياسماهر
شكرا لردك