الفشل هو مجموعة تجارب تسبق النجاح

شكر علي رددكوم جميعنا

شكرا جدا للموضوع الجميل بس احب اوصلكم نقطه محدش واخد باله منها ان فعلا مفيش حاجه اسمها فشل لسبب واحد ان اى محاولات بنقوم بيها بتقوم بناء على مدى تمسكك بالشئ ده مهما كان طريقه صعب وحاجه تانيه الثقه بالنفس انت لو انسان عايز حاجه بشده هتفضل وراها مهما كان طريقها صعب مش هتستسلم غير لما تحقق اللى انت عايزه وبيساعدك على كده ثقتك فنفسك لو انت انسان موصلتش لهدفك مره حاول تانى اقنع نفسك انك اد الشئ ده اد الوصول ليه مهما كان طريقه صعب وشوك هتلاقى نفسك بتستحمل مش هتسمع لاى انسان بيحاول يضلك عن طريقك ومتسلمش ودنك لاى وسواس ولو شايف ان الطريق لو صعب عليك من البدايه ومتردد متدخلش فيه دور على هدف تقدر تتمسك بيه وتكمل معاه لحد نهاية المطاف لان لو موضوع مش على هواك هتلاقى نفسك بتتلكك على اتفه الاسباب ما علينا فى حكمه بتقول وراء كل عظيم تضحيه عظيمه مفيش نجاح هيجيلك من فراغ اسعى ياعبد وانا اسعى معاك ونشيل من دماغنا موضوع الحظ والنحس ده عشان فى واحد تقوليله فى شغل روح قدم فيه يقولك منا عارف حظى من قبل مااروح المنحوس منحوس حتى لو علقو على دماغه فانوس ياريت نخلى ثقتنا فنفسنا اكبر من كده ونسمعش لكلام الناس جرب بنفسك وكمل فى اى طريق اى انسان يشوفك بتحاول توصل لهدف ومش قادر توصله ويقولك كبر الجى وروف الدى وانا قلبى عليك ومتتعبش نفسك والكلام ده اعرف انه انسان حقود مش بيحبلك الخير لان الانسان اللى بيحبك بجد هيقف جمبك ولو حسيت بالاحباط يشجعك انك تكمل طريقك للاخر مش هيضلك عن طريق انت ماشى فيه صح ويمكن يكون غيران منك ولما يلاقيك قربت توصل لنجاح كبير يحاول يكسر ماديفك عشان تبقى فاشل زيه .
معلش طولت عليكم بس فى النهاية اتمنى ان كل انسان متمسك بشى او بيحلم حلم يبقى يحاول بقدر المستطاع يحقق حلمه مهما كان الطريق صعب بس صدقونى مهما كان التعب اللى هتمرو بيه هيتنسى مع اول لحظه تشوف فيها حلمك بيتحقق وتحس انك انسان ليه كيان ومش بيستسلم بسهوله نجاحك فى تحقيق حلمك هيساعدك فى رفع روحك المعنويه هتحس انك انسان يستاهل يعيش مش الاسم انسان والمهنة كمالت عدد

موضوع جامد جدااا واحنا فعلا لازم نرفع شعار

لا للاستسلام بعد اليوم

تقبلوة مشاركتي: وفاء الطباخ

‏اكتشف نفسك(حدد هدفك)‏ هل حسيت مرة بالإحباط؟
هل اعتقدت مرة إنك جربت كل الطرق الممكنة عشان توصل لحاجه معينة، وفشلت في كل مرة.. وده خلاك تشعر باليأس وتتوقف عن المحاولة؟
ناس كتير مننا بيجربوا الفشل.. ولما ده يتكرر بيعتقدوا إنه مؤشر لأنهم غير ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن يتوقفوا تماما عن المحاولة.. ويرضوا بالأمر الواقع.
إيه الموضوع ده بقى؟

طيب.. عشان نعرف إيه الحكاية تعالوا نعرف إيه هو النجاح بالضبط ؟؟؟
ما النجاح؟
فيه تعريفات كتير للنجاح.. لكن التعريف اللي أقنعني فعلا هو التعريف التاليالنجاح هو القدرة على الانتقال من فشل إلى فشل دون أن تفقد حماسك) "ونستون تشرشل"خدت بالك من المقولة دي؟
لو قرأت قصص الناجحين في أي مجال هتكتشف حاجة غريبة قوي.. هتلاحظ إن أي شخص ناجح في أي مجال مر بسلسلة من الفشل في بداية مشواره.. لكنه كمل محاولاته لحد ما وصل للنجاح اللي وصل له..
يعني الفرق بين الناجح والفاشل هو إن الفاشل توقف عن المحاولة وشعر باليأس.. لكن الناجحين مابيعرفوش الشعور ده..
ناخد مثال على الموضوع ده..
"توماس أديسون" والمصباح الكهربائي

كتير من الناس بيعتبروا "توماس أديسون" من أكثر العلماء اللي أثروا في حياتنا باختراعاتهم.. لأن ماحدش فينا يقدر يتخيل الحياة من غير المصباح الكهربائي..
"توماس أديسون" يعتبر فعلا من أهم العلماء في تاريخ الإنسانية وله أكثر من براءة اختراع.. لكن هل تعلم أنه مر بسلسلة مريعة من الفشل قبل اختراع المصباح الكهربائي؟
حاول "توماس أديسون" وأجرى العديد من التجارب لأنه كان يؤمن بفكرته.. فكرة إنه يخترع حاجة بتنور..
وتكررت تجاربه الفاشلة حتى وصلت إلى 9999 تجربة.. تخيل؟؟
وفي حديث مع وسائل الإعلام سأله أحدهم:"سيد أديسون.. لقد فشلت 9999 مرة، إنت فاشل عالمي.. لماذا لا تتوقف عن هذه التجارب الفاشلة؟"
عارفين كان رده إيه؟؟
قال "توماس أديسون"الفاشلون هم أناس لم يعرفوا كم كانوا قريبين من النجاح حين توقفوا!!)شايف الكلام؟يعني لما تجرب كل الطرق الممكنة عشان توصل لهدفك.. قبل ما تشعر باليأس وتتوقف اعرف إنك قربت جدا من هدفك..ممكن تكتشف إنك توقفت قبل ما توصل لهدفك بخطوة..
هاقول لك حاجة صغيرة..فيه حكيم صيني قالحينما ينغلق أمامك باب الأمل.. لا تتوقف لتبكي أمامه طويلا.. لأنه في هذه اللحظة انفتح خلفك ألف باب ينتظرون أن تلتفت لهم!!)لما تلاقي نفسك يئست اعرف إن نجاحك قرب .. لما تلاقي فشلك تكرر اعرف إنه مش فشل.. بل تجارب ستسفيد منها في المرة القادمة لتصل إلى هدفك..جرب بنفسك لحظة من فضلك ...ممكن
هاقول لك حاجة تجربها:اقعد في مكان هادي وغمض عينيك..( متنامش طبعا)فكر في فشل حصل لك في أي موقف في مواقف حياتك..
فكر بينك وبين نفسك:هل لو حصل لك دلوقتي (في الزمن الحالي) هذا الموقف.. هل هتتصرف بنفس الطريقة أم لا؟؟هه؟؟أكيد لأ.. مش كده؟عارف ليه؟
عشان التجربة دي علمتك وخلتك أقوى وأكثر خبرة..تبقى مش فشل..!
أيوه.. هي دي الحقيقة.. لو عايز تشوف نفسك فاشل هتشوف نفسك فاشل فعلا.. إنما لو عايز تستفيد من كل المواقف اللي حسيت إنك أخفقت فيها.. هتلاقي جانب مضيء ماكنتش واخد بالك منه.. وهتستفيد من تجارب حياتك بدل ما تخليها تضرك..
الخلاصةمافيش حاجة اسمها فشل..
فيه حاجة اسمها تجارب اتعلمنا منها، وهتخلينا نمشي في الطريق الصح.. ومانغلطش نفس الأخطاء بتاعتنا..
ماتخليش أي حاجة تخليك تتوقف عن المحاولة.. التجارب غير الناجحة دي مجرد خبرات اتعلمنا منها ازاي نكون أفضل.. خليها حافز للاستمرار مش مبرر للتوقف عن المحاولة... ممكن تكون قربت جدا وفاضل لك خطوة.. لكن الإحباط خلاك تتوقف قبل هدفك بسنتيمترات!
- حاولت تحقق هدفك وجربت أكتر من مرة لحد ما يئست؟- دورت على وظيفة ومالاقتش، فتوقفت عن المحاولة؟كان لك حلم وبطلت تسعى ليه، لأن حد أقنعك إن مافيش فايدة؟
كتير من التعليقات اللي هتيجي على المقال ده هتقول إن مافيش فايدة ومافيش أمل والكلام اللي اتبرمجنا عليه.. ماتسمعش الكلام ده وخليك ماشي في طريق نجاحك..
الناجحين أقل من الفاشلين.. لأن النجاح صعب مش عشان أي حاجة تانية.. اللي يقول لك إن مافيش فايدة، اعرف إنه مستسلم ومش عايز يبقى من القلة الناجحة في الحياة.. لأن الناجحين مابيعرفوش الكلمة دي..
معظم الناجحين في مصر أو غيرها.. كانت الظروف ضدهم وفشلوا كتير (فكر في الأمثلة اللي تخطر على بالك).. لكنهم ماستسلموش..
هو ده الفرق..لو المستسلمين دول أحبطوك وحسسوك إن النجاح مستحيل.. يبقى اقرأ هذا المقال مرة أخرى...
وخليك فاكراحنا بنعيش في الدنيا دي حياة واحدة بس.. خليها تبقى أفضل حياة ممكنة
تمنياتي لكوم بي النجاح الدائم مع الاستفادة بكل الفشل الماضي