www.mohosman.yoo7.com
السلام عليكم ورحمه الله وبركاته
مرحبا بكم في منتدي العلم والايمان
عزيزي الضيف و الزائر ، مرحبــا بك .. أنت غير مسجل في منتديـــات العلم والايمان ... للاشتـــراك و الإستفادة من مزايـــا العضويــة، الرجــاء التسجيل
مع تحيات مدير المنتدي م /محمد عثمان

لعلها الفرصه الاخيره

اذهب الى الأسفل

لعلها الفرصه الاخيره

مُساهمة من طرف هند في الأربعاء 10 نوفمبر 2010 - 13:42

احبتى فى الله

روى البخارى فى صحيحه ان النبى صلى الله عليه وسلم قال :ما من ايام احب العمل الصالح فيها احب الى الله من هذه الايام (يعنى العشر الاول من ذى الحجه) قالوا يا رسول الله ولا الجهاد فى سبيل الله قال ولا الجهاد فى سبيبل الله الا رجل خرج بنفسه وماله فلم يرجع من ذلك بشىء


النبى صلى الله عليه وسلم اخبرنا ان هذه الايام اعظم ايام الدهر هى اعظم من ايام بل وليالى رمضان ايام تقدر تقول عليه اغلى امن الدهر



فى الحديث الذى رواه البزار وصححه الالبانى ان الرسول صلى الله عليه وسلم قال :افضل ايام الدنيا ايام العشر فضلت ايامها فهى الايام المعلوماتالتى امرنا الله عز وجل ذكره فيهقال الله : (ويذكرون الله فى ايام معلومات)فهى الايام المعلومات التى امرنا الله عز وجل بذكره فيها قال الله (واذكر اسم ربك فى ايام معلومات)و فيها اعظم ايام الدهر يعنى هى اعظم ايام الدهر بالنسبه لغيرها ومنها كمان اعظم يوم فى السنه كلها يوم عرفه اقسم الله عز وجل بلياليها فقال(وليالى عشر) الصحيح من اقول المفسرين ان الليالى العشر هى ليالى العشر من زى الحجة






عشان كده حصل الخلافطب هل ايام زى الحجة افضل ولا ايام رمضان؟؟!!النبى صلى الله عليه وسلم قال ان دى افضل الايام (ما من ايام العمل الصالح فيها احب الى الله)ومااستثناش منها ايام رمضان ربنا سبحانه وتعالى اقسم بلياليها ابن القيم رايه وكذلك شيخ الاسلام ان ليالى رمضان افضل الليالى الليالى العشر من رمضان افضل عشان فيها ليلة القدر

بعض العلماء نازعوا فى ذلك منهم ابن رجب يقول لاء وكمان الليالى العشر افضل لان الله عز وجل اقسم بها



مشكلتنا بئا ان فى الليالى العشر ان مابتاخدش الهاله والتعظيم اوى ايام رمضان رمضان ليه طقوس معينة صيام النهار .والليل قيام.رمضان ليه وضع تانى فى الاجتهاد والطاعه وبرضه فى معنىرمضان الاسباب المعينة للطاعه اكثر تصفد الشياطين .تغلق ابواب النار.تفتح ابواب الجنة.فالامور مساعدة هنا الاختبار اصعب

عشان كده عايزه اعداد خاص



وده درسنا النهارده ازاى تقدر تفوز بغنيمة العشر الاوائل من زى الحجة يعنى اذا كنا فى رمضان كنا بنبتدى نقول الرحمات نازله عليك ان انت تتعرض ليها يلا اشتغل المره دى محتاج قوة دفع اكبر لان المره دى الغنيمه عظيمة جدا اعظم من غنيمة رمضان بس الوسائل المساعده انت محتاج تبذل جهد اكبر عشان تستطيع ان انت تحصل الغنيمة دى عشان كده تلاقى الناس بتغفل فتلاقى ممكن بس يصوم مثلا انه يعمل بعض اعمال الخير لكن مش هو ده مقارنة بايام رمضان خالص يعنى رمضان تفطير صايمين وبيعمل صدقات وبيعمل لااعمال بر كتير بخلاف عشر ذى الحجة ومفترض ان احنا نكون اكتر اجتهادا من ايام رمضان
ياشباب اذا كان انت فى يوم من ايام رمضان ربنا فتح عليك فيه باى خير وقرات كم كبير من القران وذكرت ربنا فيه وعملت اعمال بر وصمت نهاره وقمت ليله بفضل الله




المطلوب ان العمل فى عشر ذى الحجه يكون اكتر عشان الغنيمة اكبر


معنى فى غاية المتعه فى قصة سيدنا موسى ربا قال (وعدنا موسى ثلاثين ليله واتممناها بعشر فتم ميقات ربه اربعين ليله)مجاهد يقول ان العشر التى اتمها الله على موسى عليه السلم هى عشر ذى الحجه
طب ايه المعنى؟!
قالوافكان من نصيب امة محمد الثلاثيبن ليله رمضان والعشر عشر زى الحجه
وكان موضوع الاربعين ده ليه سر الله به عليممحدش يفهم الاربعين يبقى يخصص اعمال باربعين يوم لا لا لاءهو فى سر حكمه عن ربنا سبحانه وتعالى
يعنى النبى لما يقول من صلى لله اربعين يوم فى جماعه يدرك تكبيرة الاحرام كتبت له براءتان .براءة من النار وبراءة من النفاق
حديث رواه الترمزى وحسنه الالبانى
من الحاجات العجيبه يوم الهول الاكبر يوم الحشر
يخبر النبى صلى الله عليه وسلم وهذا الحديث رواه الطبرانى وصححه الالبانى فيقول يجمع الله الاولين والاخرين لميقات يوم معلوم قياما-اد ايه- اربعين سنة شاخصة ابصارهم ينتظرون فصل القضاء
ينهار ابيض
وقفة الحشر!!!!!!
اللهم ادخلنا الجنة بغير حساب ولا سابقة عذاب
وقفة الحشر اد ايه اربعين سنة حتى يقضى الله عز وجل بين الخلائقايه المعنى بئا يعنى الاربعين دول فى مقابل الاربعين دى

رمضان والعشر انوى فيها اوى النية دى ان الايام دى تكون يارب سبب لتخفيف هول الحشر عنك


تانى حاجه ان النبى صلى الله عليه وسلم قال ايه Sadما من ايام العمل الصالح فيها احب الى الله) عايز بئا تتقرب الى الله وتصير من احبائه نفسك يحبك حب اللى يحبهفاذا كانت الايام دى احب الى الله يبقى تقرب له بمحبوبفانا يارب هاشتغل بالنيه دى انك تحبنى وهذه الايام تضاعف فيها الحسنات
قال ابن عباس والاثر عنه رواه البيهقى فى الشعب

العمل فيهن يضاعف سبعمائة ضعف
الله اكبر
العمل بسبعمائه ضعف يعنى التسبيحة اللى هاتقولها بلسانك اللى كنت بتاخد عليها هنا عشر حسانات بقوا سبعة الاف
وقال الاوزعى بلغنى ان العمل فى اليوم من ايام العشر كقدر غزوة فى سبيل الله يصان نهارها ويحرص ليلها الا ان يختص امرؤ بشهادة
عشان كده النبى صلى الله عليه وسلم لما قالوله ولا الجهاد فى سبيل الله قال ولا الجهاد فى سبيل الله الا واحد بس ربنا هايجمعله ما بين الحسنين الا رجل خرج بنفسه وماله جاهد بفلوسه وجاهد بنفسه ولم يرجع منهما بشىء ده اللى يفضل على الرجل العابد فى ايام العشر
ياشباب انا عايز نشعلل الطاقه من جونا عشان قلنا الموضوع محتلج شحن زايد اكتر من بتاع رمضان عشان فيه عوائق اكتر اول عائق عداتنا احنا مش متعودين نحيى الايام العشر كما ينبغى والبيئة اللى حواليك مثبطه التركيز مش زى مابيحصل فى رمضان فعشان كده محتاجين شحن اقوى هاتشحن بايه بئا؟اول حاجه استشعارك للنعمة لما اقولك العمل دلوقتى بيضاعف سبعمائه ضعف لما تسمع بس احب الى الله .اعظم اللى الله.
دى ماتفوقكش ؟دى ماتشعللكش؟دى ماتخليكش عايز تقطع نفسك عشانه؟
اصطفاك !!

من عليك!!

كم من اناس يتمنوا والله لو اؤذن لاحد من من ليس معنا الان من من كتب عليهم الموت قبل ان يدرك هذة الايام
اقسم بالله لو طلع دلوقتى وكلم حد منكم كان هايقول :اتمنى دقيقه اتقرب فيها لربنا فى الايام العظيمة دى
يبقى انت ماينفعش تضيع ثانية عيب ربنا يصطفيك وبعد كده تقعدشوف المعنى ده ربنا بيقول ايه(وجاهدوا فى الله حق جهاده هو اجتباك)
اصطفاك
وحقها ايه دى
وجاهدوا فى الله حق جهادهيبقى ده شعاركشعار العشر ايه بئا
وجاهدوا فى الله حق جهاده
ينفع ده يبقى شعارى وشعارك ايام العشرينفع نكتب لبعض رسائل ونكتب المعنى ده ونذكر بيه بعضينا يبقى اقل مافيها نشكر النعمة دى وشكرها اننا نبذل قصارى الجهد حتى نبلغ رضاه
كان خالد بن نعبان يقول اذا فتح لاحدكم باب خير فليسرع فانه لايدرى متى يغلق عنه
اه!!ربنا سبحانه وتعالى ينزل عليك نعم!! نعم!! نعم !! نعم !!خلاص بئا يغلق عنك الباب
تيجى بئا تبلغ الايام دى يلا ياجماعه هانشتغل يلا عاوزين كذامش قادر!!ليه؟ ده ربنا بيقول ده النبى بيقول ده الامور فيها ده الاعمال مضاعفه مش عارف!الهموم كلها تنزل والابتلاءات كلها تنزليحال بينه وبين ما يشتهيه(احيل بينهم وبين مايشتهون)
اوعى من دى
عشان كده اذا فتح لك باب خير اسرعارى الله من نفسك شىء
عايزين كلام عملى برنامج ايمانى لاحياء الايام العشر اول شىء عليك تعمله وظيفة العمرطب اول حاجه عشان تدخل عليه لازم تنضف اللى حصل فى شوال وذو القعده ده لازم يمحى ماينفعش تدخله كدهماينفعش يشوف عليك النعمة وانت كدهاغسل بئانضف ***اكثر من الاستغفار اول حاجة***
تانى حاجه عايزك عرفنا بالنعمه تستغل كل لحظة فى العباده هذه انفس الاوقات قلنا الايام دى اغلى من الدهب عن ربنااغلى من كل شىء بالنسبه لك حياتك
طيب بس انا نفسى ساعات نفسى ما بتطاوعنيش! مابتجيش! همتى مابتوصلش !اعمل ايه عشان اشحن زى مانت مابتقول كده والطاقه دى تبقى متجدده عندى؟!
اعمل ايه؟
اول حاجه المعنى ده مايفارقش ذهنك قلنا اول معنى الاصطفاءاحساسك بالنعمه ذكر نفسك بفضل الاعمال دى يخليك تشحن اكتر
تالت حاجه عشان نفسك تطاوعك خلى قدامك نماذج من اجتهاد الصالحين واقعد قول مانا مش طول الوقت اسمع الكلام ده واقول يا سلام الله اكبر دول ناس كباره وناس حلوين اوى
اة احب الصالحين ولست منهم
طريقة التلقى دى ماتنفعشاحنا كتير نقعد نذكركم بكلام ابو مسلم الخولانى ايظن اصحاب محمد ان يساثروا به دوننا-هو عشان احنا يعى ماشفناش النبى -والله لنزاحمنهم عليه حتى يعلم انه قد خلف من ورائه رجالارجل مع ربنا ربنا وصف الرجاله بصفه اساسيه (صدقوا ماعهدوا الله عليه)عايز تبقى رجل؟عايز تحقق(وجاهدوا فى الله حق جهاده)اقل ما فيها النخوة دى !الغيرة دى!تبقى جواكفلما تيجى بئا اقولك دلوقتى شايف فلان كان بيعمل كذا تقول هاحاول لا لا ماتقولش كلمة هاحاول تقول ان شاء الله بحول الله وقوته هاعمل كده انا مش اقل منهم
قلتلكم السنة دى طريقة التلقى لبعض الشباب فى رمضان كانت كده




نقولهم سيدنا أبو هريرة استغفر12 ألف مرة في يوم
ماشي ايه المشكلة ؟؟
تلاقى شباب كتير بفضل الله عملوا كده
تزودلهم تقولهم خالد بن معدان كان يسبح في اليوم 40 ألف، جابواها لغاية ما وصل ببعضهم ل80 الف و90 ألف استغفار .

أنت ما تبقاش كده ليه ؟؟
قولى ماتنفعش ليه ؟؟
ايه العائق اللى قافل بينك وبين ربنا ؟؟


القضية كلها تلخيصها في كلمتين النبي قالهم :-
" استعن بالله ولا تعجز "
اسأله ،، تبقى محروق من جواك بتغلى لو فاتك حظك من خيره ، ما يبقاش الجوائز دى كلها يستأثر بيها الناس الصالحين ، وأنت لاتجد شيئا



لا لا
مينفعش تبقى محروم
مينفعش ابقى خايب كده
فاهمين ؟؟





كان بعض المجتهدين يصلى كل يوم ألف ركعة
حتى أُقعد من رجليه (رجله ما بقتش شيلاه )
فكان يصلى جالسا الف ركعة ، فاذا صلى العصر احتبى
قعد يبكى ويقول :- عجبت للخليقة كيف ارادت بك بدلا منك ، عجبت للخليقة كيف أنست بسواك
بل عجبت كيف استنارت قلوبها بذكر سواك


<< شوف الانس >>
شوف هو مستطعم حلاوة الايمان ازاى ؟
أنت من برة تقعد تقول ده بيعذب نفسه
لكن هو في قمة الاستمتاع


إذن علينا إن احنا نشكر النعمة ، وما نسبش باب من ابواب الخير الا لما ندخله ، كل واحد على قدر طاقته


تابعونــــــــــــــــــــــــا
avatar
هند
عالم صعد الي قمة المنتدي
عالم صعد الي قمة المنتدي

عدد المساهمات : 599
عداد النشاط في المنتدي : 65662
نشاط العضو : 1
تاريخ التسجيل : 29/03/2010
العمر : 33

الرجوع الى أعلى الصفحة اذهب الى الأسفل

رد: لعلها الفرصه الاخيره

مُساهمة من طرف hesham saad في الخميس 18 نوفمبر 2010 - 5:45

جزاكى الله كل خير
avatar
hesham saad
عالم مميز
عالم مميز

عدد المساهمات : 110
عداد النشاط في المنتدي : 59351
نشاط العضو : 1
تاريخ التسجيل : 08/11/2010
العمر : 27
الموقع : www.quran4ever.forumotion.com

http://quran4ever.forumotion.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى